الحب أعمي وأهبل وعبيط وبيعمل دماغ كمان

احبائي الشباب ارجو قراءة الموضوع

حتي نهايته

الحب أعمي . . . ! ! !

وأهبل وعبيط وبيعمل دماغ كمان

الحب شىء جميل جدا .. فى بدايته أحاسيس جميلة و سعادة

و تألق لأقصى حد فى كل شىء ..

الخطوة الثانية إضطرابات فى النوم و عدم رغبة فى الأكل

و تسارع فى ضربات القلب تصاحبها آلام فى المعدة ..

و مع تطور الحالة يبدأ الحب فى مهاجمة مخك و تدريجيا تلاحظ :

حالة تشتت و بلة ملحوظ تبدأ فى التخييم على مخك

و تتجسد فى كل تصرفاتك .. مش عارف تركز و لا حتى تفكر فى

أى شىء خاصة عندما تقابل حبيبك .. تقول كلمتين .. بعدها يطير كل الكلام ..

تحاول التذكر.. مخك رايح جاى ..

كلمة ثم صمت ثم لعثمة يعقبها شرود ثم إنصراف !

إيه إللى أنا باقوله ده ! حاسس إنك عبيط و أكيد حبيبك قال عليك معتوه ..

لكن إطمن .. دى حالة شائعة جدا فى الحب و ناس كتير عانت من نفس

المشكلة و شعرت بنفس الهبل

تقوللى ما انا عارف بس المشكلة فى حبيبى و الفكرة إللى أخدها عنى ..

أقولك إهديله أغنية لما بتكون بعيد باحضر كلام أقوله

و أما بتكون قريب بتنسينى اليوم بطوله

و لا باعرف أتكلم و يا دوب كبيرى أسلم ..

يا عمرى لما أشوفك بانسى الدنيا دى ، بانسى الكلام إللى أنا قايله

حتى الغرام إللى أنا شايله..

ليتأكد إنك طبيعى و كل دى مجرد أعراض جانبية للحب عند كل الناس ..

لكن هل تعرف سبب التشتت و النسيان و عدم القدرة على التفكير ،

و الهبل الذى تشعر به فى حالة الوقوع فى الحب؟!

بيقولك إكتشفوا إن الحب يؤثر على نشاط المخ و يقلل القدرة على التفكير

بشكل عام ده غير المناطق التى يصيبها الشلل التام و هى المناطق

المسئولة عن الإنتقاد و التقييمات السلبية حيث تتوقف عن العمل تماما ..

و لهذا قالوا زمان إن الحب أعمى لأننا عندما نحب

نرى من نحب أعظم حد فى الدنيا و خاليين من العيوب..

ده غير تأثيره على المناطق المسئولة عن الذاكرة و التركيز ..

عشان كده لما أبويا يقول فنجان قهوة بأعمله شاى و فى الآخر باديه لأمى ..

و أراهنكوا إن شادية فضلت تصب فى الشاى لحد ما إدلق

من الفنجان على الصينية على الأرض ..

و بيقولك كمان إن الحب له نفس تأثير تعاطى المخدرات على المخ

بعد تصوير المخ بالرنين المغناطيسى حيث لوحظ أن الحب يؤثر عليها

مثل تعاطى المخدرات يعنى لو لاحظت حد مسطول مش ضرورى يكون ضارب

ممكن يكون واخد جرعة حب زيادة..و أحسنلك بكتير إنك تضرب حب

بدل ما تضرب مخدرات على الأقل الحب أوفر و ألذ و له نفس التأثير و جايز أكثر كمان..

لكن الكارثة إن الأمن يدرج الحب ضمن قائمة الممنوعات

و الحب ما يتعرفش غير بروشته من الطبيب.

و لما تقابل حبيبك بدل ما تقول له الحب الحب .. الشوق الشوق

تقول له إنت أحلى جوينت فى حياتى و لما بشوفك الطاسة بتتعمر

كأنى ضربت خلطة منوعات.

كل هذه التأثيرات أثبتتها عدد كبير من الدراسات التى

أجريت فى بريطانيا و أمريكا.

الخطر الحقيقى إن الحالة تقلب على جنان خاصة عند الناس

إللى عايشة الدور صح و عندها ضمير فى الحب و وصلت لدرجة

عدم القدرة على التفكير و لنا فى قيس مجنون ليلى خير عبره ،

الحب فِضل يمسح فى دماغه .. يمسح فى دماغه لحد ما خلاها أبيض يا ورد..

فى النهاية قدامك طريقين .. الأول إنك تنفض للحب خالص

و تحافظ على مخك و صحتك على أساس إنهم أنفع لك ..

الطريق الثانى إنك تحب بجد و تضحى بعقلك فى سبيل

إستمتاعك بالحب.

نقلا عن جريدة الدستور

طبعآ كلكم ياشباب كل واحد ليه رأي في الكلام دة

عاوزين بقي نشوف رأيكم ايه في الكلام دة

اللي كاتباه الجريدة

لكن انا ليا رأ ي تاني في الحب الحقيقي الحب الصادق

الحب المقدس

طبعآ الحب مهم جدآ والكل محتاج اليه ومنقدرش نعيش من غيره لأنه الطاقة الدافعة والمحركة

ان لم تقتنيه وتمارسه وتسعد به تتعطل مسيرة حياتك

لكن الأرتباط العاطفي الخاطئ غير النقي طبعآ بيجهد الشخص نفسيآ فيبدوا عليه القلق والتوتر

العصبي والأرهاق والتوهان والنسيان وخلافه زي ما شفنا الأعراض الموجودة في الحب

اللي منشور في الجريدة

ودة بيحصل نتيجة قبول الشخص للمواقف من غير ما يشعر ولا يفكر

++ طب ليه قبلها من غير ما يشعر ولا يفكر ؟ دة مبني أساسآ علي الجوع والاحساس

الداخلي بالحرمان . علشان كدة بيحب بدون وعي أو تحفظ

تحت تأثير اربع حاجات . . . . :

الاولي : كلمات تقدير تقدم أكثر مما تعوده من اللذين حوله

التانية : حماية وعطف حين يظن انه بمفرده ولا يوجد من يسنده أو يقف بجانبه

التالتة : تقديم ما هو محتاج اليه بسخاء لم يعهده من قبل

الرابعة : فرصة للحصول علي كل ما يريد دون مقاومة

وطبعآ لما يلاقي كل الحاجات دي متوفرة له هيحب بالطريقة الخاطئة دي ويوصل

لكل الأعراض اللي قرناها في الموضوع

++ لكن تعالوا بقي ننظر للحب من منظور روحي

ودة الحب الحقيقي اللي نفسنا كلنا نعيشه . حب مقدس . حب نقي . حب طاهر

ودي أعراضـــــــــــــــــــــه :

الحب المقدس يدفع للأمام ـــ يساعد علي التقدم

لا يطلب الا كل ما هو نقي مريح للنفس

حب دائم ميتغيرش ولا يفتر في يوم من الأيام

حب يخلينا نحيا في نشوة توفر الراحة والسعادة في كافة مواقف الحياه

حب حقيقي يسند ويطمئن ويعطي قوة ويعطي انتصار علي أهواء الجسد

ويوفر الطاقة للتقدم والنجاح

حب حرية حقيقية في ارادة قوية ليعيش حياه فاضلة ويرفض حياة الشر والخطية

؟ طب ازاي اعيش الحب الحقيقي دة ؟ ومن غير انفعالات ولا نزوات

حب المســــــــــيح من كل قلبك

حب المسيح يملأ القلب بالسلام ويريح النفس ويهدئ العواطف وبه يستقر الدوافع

حب المسيح يشبع ويثري الحياه فلا جوع ولا نهم

حب المسيح يجدد الرجاء فيبدد اليأس

حب المسيح يقدم في تضحية وبذل وانكار الذات

القدسين اللي حبوا رب المجد

وكانت من اعراض حبهم انهم دايمآ بيبقوا في حالة فرح روحي وكأنهم في السما

علي طول ووشهم منور حتي بعد انتقالهم لانهم مليانين بالمسيح مليانين بالروح القدس

مليانين بالفرح والسلام والهدوء النفسي

الأعراض دي بتلاقيها برضه في الانسان اللي مليان وشبعان

بحب رب المجد . لو بصيت لواحد مليان بحب ربنا تلاقي وشه دايما مبتسم بشوش

تعبيرات وشه هادئة وشه منور وفيه نضارة عجيبة

ولو بصيت لواحد مش مليان بالحب دة تلاقي تعبيرات وشه غاضبة ومكشر وعصبي

ومتوتر ومكتئب فرق كبير بين الشخص اللي مليان بحب ربنا والشخص البعيد

اللي مش مليان بالحب العظيم دة

ربنا يدينا ان احنا نتملي بحب رب المجد

ويارب اكون قدرت اوضح الفرق بين الحب اللي في الموضوع واللي شبابنا خافوا منه

والحب الحقيقي الحب المقدس اللي احنا عاوزين نعيشه

يا نهار ابيض ده انا دخت على ماخلصت الموضوع ده
بس انتى ليه مش قلتى ان الموضوع فى الاول منقول من الاول علشان الواحد كان فاكر ده رايك انتى
بس على فكرة انا اتفق مع رايك فى الكلام اللى انتى قلتيه تعقيبا على الموضوع المنشور فى الجريدة بس ياريت تقوليلى امتى اتنشرت المقالة ديه

هو فعلا منقول ياديفد

وده راي بجد

بالنسبه للمقاله والنشر انا معرفش حاجة

بس الموضوع عجبني جدا وده راي

وميرسي على مشركتك
وربنا يباركك

بيعمل دماااااااغ
هههههههههههههههه
دى احلى حاجه يا بنت خالتى
هههههههههههههههههههههههههههههههه
على اساس ان الحب شيشه يعنى
هههههههههههههههههههه
بجد موضوع جامد وحلو خالص يا بنوته ربنا ياخدك قصدى ربنا يباركك smile

هههههههههههههههههههههههههه

ماشي ياشيرو
ميرسي على مشركتك
وربنا يسمحك Razz

موضوع جميل وجامد يا دونا
وعلي راي شيرو اني الحب دماغ بس مش دماغ الشيشة لا دماغ بانجو
هههههههههههه
بيعمل دماغ جامد اوي مع الي بيحب بجد
بس بجد يا دونا موضوع رائع وجميل جدا

ميرسي ياريمون على مشركتك

ربنا يباركك

ايه دا يا دونا
دا انا كدا كنت فاهم الدنيا غلط
هههههههههههههههه
يعنى كل ما اشوف واحد مسطول اقول دا عامل دماغ مخدرات
انما اول مره اسمع عن دماغ الحب دى
فعلا ياما فى السجون مظاليم
smile

بـــــــــــــــــــــــس
بــــــــــجـــــــــــد
مــــــــوضـــــــــوع
ر ا ا ا ا ا ا ا ا ا ا ئــــع
وجــــــمـــــيـــــــل
جــــــــــــد ا ا ا ا ا ا

ميرسييييي يامنمنتييييي

على مشركتك
ربنا يباركك

» ماهو الحب الحقيقة من وجهة نظرك
» قالوا فى العلم و الحكمه و فى الحب والصداقه
» اسرار خطيره عن الحب
» مفهوم الحب الصحيح
» رســـــائل عيد الحب 12/2/2010