1) ديما خلي الأكل قليل في الكمية والملح فيه زيادة ... خليه يصرف ويكون مضطر للأكل لأن مفيش حل تاني وطبعا المبلغ اللى وفرتيه من كمية الأكل ها تجيبي ليكي وجبة على مزاجك.
2) خلي ديما أوراقه المهمة وقمصانه وغياراته التي يحتاجها ضروري للخروج ملخبطة ومنكوشة ولما يسأل ديما اتحججي بأشياء مثل التعب أو الأولاد أشقياء هما اللى لخبطوا الدنيا.
3) لو طلب منك كباية الميه وانتي تعبانة وهو بيستعبط قولي إن الميه مقطوعه ولما يقوم للتأكد سيجد الميه ويملا هو الكباية ....
4) عندما يتظاهر باللؤم في موقف التليفزيون إعملي إنك تعبانة وداخلة للنوم وإفصلي الفيشة براحة دون أن يراكِ ... أو إفصلي العمومي وخشي نامي ولو سأل قوليله هو ده كمان وظيفتي؟ شوف أنت الراجل يمكن ماس حصل ولا حاجة.
5) لو وجدتي اي ريحة غريبة في منديل جيبه أهمليها ماهم زي القرش البراني ها يعمل أكاذيب ومشاكل مهما يعمل ويرجع تاني وكل ما تهمليه يعمل زي طابع البوستة يرجع على طول ويلزق أكتر ومنها كمان يعرف قيمتك إنك أصيلة.
6) بالنسبة لموضوع الريجيم لو حصل ووزه عقله يملا الثلاجة بكل ما لذ وطاب خليكي إنتِ كريمة ووزعي على قد ما تقدري على إخوة الرب ومنها تبقى تخلصتي من المشكلة دي وبنيتي لك مكان في الملكوت...... وعندما يكتشف إن الأكل خلص يتوهم بده ويجيب أكتر وأنتي تكوني أكثر كرما مع الناس ولو اكتشف الموضوع الأصلي ها يحرم يكررها تاني.
7) في موضوع الأجهزة اللي تعطل ولايهمك كل جهاز ها يبوظ هو مجبر يجيب غيره ها نفرض المكواة مثلا إما يدفع عند المكوجي أو يجيب غيره .... أو الخلاط إما يجيب غيره أو يساعدك على عصر الأشياء بيده شخصيا لأن إيديك وجعاكِ من كتر الشغل ... وهكذا وعموما في كل الحالات هو الغرمان.
فرشة الأسنان لو لقيتيها مبلوله ... حطيله على الفرشة بتاعته كربوناتو ولو حس بالطعم وأضطر للقيء إعملي عبده العبيط .... إنتي تعبانة في السرير ياحرام
9) في عيد ميلاه هاتي طقم أسنان عشان أكيد بعد كل ده السكر ها يعلى عليه وسنانه ها تقع ....
10) ديما هاتي باروكة شعر حطيها قدامه عشان تفكريه إنه إقرَّع وشكله بقى صعب.
11) وديما اهتمي بنظافة النظارة .... يالا خليها عليكي يبقى كرم منك وفي نفس الوقت يحس بضعف نظره ....
12) في عيد جوازكم هاتيله بزازة عشان تحسسيه بصغر النفس.
و مـــــــــــا نجيلكـــــــــــــــوش فـــــــــــى حاجــــــــــة وحشـــــــــةاختكم بطاطس